О ПОМИНАНИИ ЗА БОГОСЛУЖЕНИЕМ

 

НА ПРОСКОМИДИИ

 

ИЗ ЧЕТВЕРТЫЯ ПРОСФОРЫ

 

1-ая частица: Помяни, Владыко Человеколюбче, православное епископство церкве российския, и прочая.

2-я частица: Помяни, Господи. страждущую страну нашу российскую, православныя люди ея во отечествии и разсеянии сущия и православныя люди страны сея.

 

НА ВЕЛИКОЙ ЕКТЕНИИ

 

О православном епископстве церкви российския…            

О страждущей стране российстей и о православных людех ея, во отечествии и в рассеянии сущих …

О стране сей, властех и воинстве ея …

О еже избавити люди своя от враг видимых и невидимых, в нас же утвердити единомыслие, братолюбие и благочестие ...

 

НА СУГУБОЙ ЕКТЕНИИ

 

Еще молимся о страждущей стране российстей и о православных людех ея, во отечествии и в разсеянии сущих и о спасении их.

Еще молимся о стране сей, властех и воинстве ея.

Еще молимся Господу Богу нашему о еже избавити люди своя от враг видимых и невидимых, в нас же утвердити единомыслие, братолюбие и благочестие.

Еще молимся о блаженных и приснопамятных ...

 

НА ВЕЛИКОМ ВХОДЕ

 

Православное епископство церкви российския…    

Страждущую страну российскую и православные люди ея, во отечествии и разсеянии сущия ...

Страну сию, власти ея и верою живущия в ней…    

 

НА ЛИТИИ

 

Еще молимся о православном епископстве церкве российския и о господине нашем ...

Еще молимся о страждущей стране российстей и о православных людех ея, во отечествии и в разсеянии сущих и о спасении их и о стране сей, правителех и воинстве ея, рцем.

 

МОЛИТВА О СПАСЕНИИ РОССИИ


 Господи Иисусе Христе, Боже наш! Приими от нас недостойних рабов Твоих усердное моление сие и, простив нам вся согрешения наша, помяни всех врагов наших, ненавидящих и обидящих нас и не воздаждь им по делом их, но по велицей Твоей милости обрати их: неверных ко правоверию и благочестию, верных же во еже уклонитися от зла и творити благое. Нас же всех и Церковь Твою святую и страждущую страну российскую всесильною Твоею крепостию от всякаго злаго обстояния милостивно избави. Верных же рабов Твоих, в скорби и печали день и нощь вопиющих к Тебе, многоболезненный вопль услыши, многомилостиве Боже наш, и изведи из истления живот их. Подаждь же мир и тишину, любовь и утверждение и скорое примирение людем Твоим, ихже честною Твоею кровию искупил еси. Но и отступившим от Тебе и Тебе не ищущим явлен буди, во еже ни единому от них погибнути, но всем им спастися и в разум истины приити, да вси в согласном единомыслии и в непрестанной любви прославят пречестное имя Твое, Терпеливодушне, Незлобиве Господи, во веки веков, Аминь.